【拆局】
陳弘毅及陳岳鵬對公民提名態度，似乎並不如其他建制派般強硬。泛民中人分析，兩人對公民提名態度相對開放，但不代表北京會接受公民提名，相信北京或特區政府想營造較溫和氣氛，先令泛民重開政改談判大門，但不代表泛民會因此而改變特首普選必須沒有篩選的底線。
泛民中人承認，北京近日對政改談判態度，似較之前積極，「唔係有乜嘢好具體例子，但就有好多中間人嘅小動作，話畀我哋知北京好想同泛民傾」。他們又形容那些中間人對泛民可以參加特首普選，口氣有所鬆動，「佢哋開始講一個想法，就係北京一定要有權唔任命普選出嚟嘅特首，即係話篩選方面有得傾，但就會進一步揸緊任命權」。
另一名泛民中人直言，北京及特區政府的態度，似要先想辦法令泛民「入局」談判，其他有爭議的問題，就想留待談判時才討論，「如果前一階段（北京）對泛民策略係軟硬兼施，下一階段策略就會係呃呃騙騙。」吸收了上次政改談判經驗，泛民絕不會因要達成協議，改變特首普選必須沒有篩選的底線，「上次民主黨退得太多所以出事，今次泛民條底線唔會咁易退」。
《蘋果》記者
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange