之前講過，「港女」，應該係世界上生命力最頑強嘅生物，無論身處何地、任何情況，都可以拎部手機出來自拍一番。食嘢、化妝前後，沖涼前後，換新衫新鞋，整親流血等，都一樣可以自拍。最經典如之前李彩華換衫時被困更衣室，高呼:「快缺氧了!」但喺咁唔舒服嘅情況下，李彩華仍然有心情自拍，包括用腳(足踏高踭鞋!!!)踢門、俯身露事業線求救等等，真係「驚」典。
前日，有兩位美女都遇到一點「意外」，亦趁機嚟個自拍。先係鄭太蒙嘉慧被困酒店洗手間，仲貼埋圖。見佢拎住張卡，影住個門鎖，未知是否想好似拍劇咁，用匙卡開鎖。有人嗌佢搵伊健救命，亦有人笑佢:「有手機上微博，沒手機打電話到酒店大堂求救？」幸好，13分鐘後，蒙嘉慧已經獲「救」，佢仲話:「終來出來了，真好彩，去買六合彩。」咁緊要？
至於另一位美女，就係素顏龔嘉欣BB。佢嘅「意外」都係同匙有關，就係:準備收拾行李之際，「發現……匙卡不見了……非常無奈！我該怎麼辦？後天走了!」真係幾大件事喎。又好好彩，喺微博呼救咗一個鐘之後，救星來了——就係被傳「撞鬼」嘅宋熙年BB。得此良機，又有機會發微博喇!龔嘉欣即自拍素顏樣，連埋行李篋一齊影，寫道:「正所謂出外靠朋友救星到！愛死妳年妹!」！
一副24字的對聯影響蔡瀾一生，今集《亂噏24》，蔡瀾為你逐句解釋！
點擊以下連結，全集即時重溫！
http://bit.ly/appletalk24