港甲快開鑼，球迷睇得最多嘅係球隊同足總喺主場安排同電視轉播爭議，難怪而足總董事兼傑志班主伍健忍唔住，響fb寫咗篇成1,200字嘅長文，除公開呼籲球圈唔好再內耗，要將槍頭對外，團結向政府同馬會爭取成立聯賽種籽基金。伍生話，有關球場問題，足總其實無能為力，因為場地由康文署管理，佢哋唔批就冇計；另外旺角場（圖）今季使用量去到每月8場嘅極限，康文署仲要繼續租場畀女童軍大會操，啲草想唔死都幾難。
足智彩上年度搵緊470億港元，伍生認為，如果政府同馬會肯每季攞千份之一嚟成立聯賽種籽基金，用嚟改革聯賽，好多問題可解決。諗落都係，如用基金用嚟幫補播波，爭執會少好多。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange