【酒廊美食】
現任南華會副主席許晉奎，經常到南華會天台酒廊「搵食」。大廚李植良憶述，六年前某天許主席來吃飯，心想老人家一般愛吃煲仔飯，靈機一觸將揚州炒飯改良，炒飯時將飯如薄餅般壓平煎，粒粒皆香，是為「主席炒飯」。
李大廚說，自此之後，許晉奎到天台酒廊，總叫一碟「主席炒飯」，餐牌上沒有這道菜，「有啲熟客知道識叫，我都會照炒畀佢食。工夫係做多咗，我都會照整。」他說，南華會其他食肆跟風如法炮製揚州炒飯，但許試過後嫌炒飯只得其形，有欠神髓，始終鍾情天台酒廊的主席炒飯，「酒廊結業，『主席炒飯』都冇埋嘞。」
大廚續稱，天台酒廊其他招牌菜包括沙嗲車仔窩、煎羊扒及德國豬手，「價錢都係58蚊至68蚊不等，幾乎枱枱客都會叫。」黃文偉說，與銅鑼灣同級食肆比較，酒廊的食品價錢約便宜兩、三成。
《蘋果》記者
一副24字的對聯影響蔡瀾一生，今集《亂噏24》，蔡瀾為你逐句解釋！
點擊以下連結，全集即時重溫！
http://bit.ly/appletalk24