【緣結哈佛】
「冬青之母」胡秀英，是國際知名的植物學家，去年以一百零二歲高齡仙遊，被指為學術界的重大損失。當年在哈佛共事的兩年，成就二人一段四十年的情緣，她見證他的兒女出生，二人成為世交。早已半退休的李賢祉，是即將落成的「胡秀英植物標本館」籌委會成員，為籌募經費四出奔走，「佢從冇正式教過我，但我一直以佢嘅私塾弟子自居，喺逆境之中，佢嘅扶持，永誌難忘」。從前的人與事，總細水長流。
標本館將落成
「Dr. Wu到九十歲仲到處去採藥，永不言退，佢工作室入面四萬個標本，都係佢嘅心血。」當年返港，胡在他最失意時，主動要求向嘉道理基金申請撥款，出版香港植物誌。「佢想助我發展所學，申請最後冇批到，但呢份心意，咁多年嚟，我從冇忘記。」當年的植物誌失諸交臂，今日的標本館，興建工程卻如火如荼。四十年之約，到底實現了。
一副24字的對聯影響蔡瀾一生，今集《亂噏24》，蔡瀾為你逐句解釋！
點擊以下連結，全集即時重溫！
http://bit.ly/appletalk24