如果你有睇過星爺N年前齣《百變星君》，一定有睇過開場冇耐，徐錦江扮教授講過：「人體是世界上最妙嘅嘢，而我嘅課程就係人體學入面，最尖端嘅課程…．」
其實最奇妙嘅係女星個樣至真！當年嘅小倩，迷倒萬千男士，相隔十幾年，日前再見到佢，真係差啲認唔到呀。其實除咗王祖賢，都有唔少明星嘅「當年」、「今日」差好遠㗎。好似嘟姐咁，近年瘦到現樹筋，仲傳佢整過容，又俾人話係女版MJ添，但那些年嘅佢，人見人愛、車見車載㗎。音音姐都係索女一名，唔講唔知，當年佢要sweet有sweet，風情萬種，仲拍過露點戲，露暈女都要叫聲佢「大師姐」呀。朱咪咪以前就行pure路線，樣就同G.E.M.餅印咁，你話奇唔奇。
唉!歲月真係不留人，你話如果有百變星君塊超級霹靂無敵晶片，係咪易搞好多呢。
一副24字的對聯影響蔡瀾一生，今集《亂噏24》，蔡瀾為你逐句解釋！
點擊以下連結，全集即時重溫！
http://bit.ly/appletalk24