【本報訊】有「神童偉」之稱、曾任南華足球隊球員及教練的黃文偉，經營21年的南華會天台酒廊卻遭南華會大幅加租兩倍，無力經營下月13日結業。黃文偉心灰意冷說，天台酒廊曾是球迷聚腳睇波熱點，每逢有大球賽，一晚可逼爆近千人，見證本地球圈由盛轉衰，「又一個香港人集體回憶消失；下月想係酒廊擺70歲壽宴都等唔到，好無奈。」
記者：蔡朗清
下月23日年屆70歲的𤏸文偉，將會度過一個難忘的大壽，一手湊大的南華會天台酒廊，將在他生日前夕的13日結業；人稱偉哥的𤏸文偉無奈說，今年初才與太太白茵在酒廊舉行45周年藍寶石婚紀念，亦有意下月在酒廊設70歲壽宴，但月前突收到南華會通知，改變遊戲規則，續租要出標書競投，「過去21年，我滿三年續租一次，每次都係租約到期前傾談，經濟好會加租，沙士嗰陣減過租，舊年新主席（黃鎮南）上場，就唔同晒。」
偉哥說，半年前主動同南華會傾租約，「我話畀多啲租，南華會一直唔肯傾」，月前突收到公開競投租約通知，「我之前已聽聞有南華會高層想租間舖。喺標書我將租金提高一倍都爭唔贏，原來租金大幅加兩倍。」
見證本地球壇興衰
偉哥回憶說，他80年代退休，在南華會任足球教練，90年代，時任主席洪祖杭及許晉奎向他提出在南華會天台上蓋加天台酒廊，為退休球員提供休閒地方，「呢間酒廊係我一手一腳搞起，1992年11月正式營業。」
天台酒廊屹立21年，見證着本港球圈興衰，偉哥說，90年代初，本地球圈仍算興旺，每逢有大型賽事，酒廊座無虛設，全場500個位置，擠了逾800人進場觀看，世界盃大賽，無線更派人到酒廊直播球迷睇波氣氛。
隨着球圈死水一潭，生意越來越差，6年前起，偉哥將酒廊的露天茶座改為燒烤場後，生意才有起色，「曼聯上月底來港踢波，係酒廊近年生意最好嘅一次。」
他說，與南華會結緣半世紀，估不到最後遭南華會迫遷；圈內人獲悉酒廊結業，紛紛訂枱歡送偉哥。
一副24字的對聯影響蔡瀾一生，今集《亂噏24》，蔡瀾為你逐句解釋！
點擊以下連結，全集即時重溫！
http://bit.ly/appletalk24