【上環】有「校長」之稱的譚詠麟（阿倫）前日63歲生日，他在上環尚品薈訂房開P，好友陳國強、曾志偉、黃百鳴、李克勤夫婦、彭健新、鍾鎮濤（阿B）、范姜、鄺美雲、顧紀筠、狄波拉和陳百祥夫婦等先後到賀，例牌爆醉的曾志偉，前晚9時多到場，昨日凌晨1時許斷片被抬離場。
阿倫約友賀壽，狂歡至昨日凌晨近1時，賓客才陸續離開。阿B雖飲至臉紅紅，但前晚11時多仍清醒離開，他表示跟阿倫講心唔講金，他說：「祝佢心想事成，身體健康。」凌晨12時多，阿倫送友人下樓並接受記者訪問，他爆料說：「志偉未醒，等佢醒咗先走。我嘅生日願望係祥和啲，多啲包容。」
知己囝囝有到場
阿倫透露席間紅顏知己Wendy和囝囝曉風均有到場，但就避開記者低調離開，阿倫表示收到囝囝禮物，但拒透露是甚麼。房中眾人唱K隊酒，結果志偉不勝酒力，爛醉如泥，需要司機和食肆員工共五人，用辦公室椅將志偉推下樓，然後眾人再諗計把他抬上房車，見志偉大字形睡在後座座位。安頓嘉賓走後，阿倫才包底離開，他先叫助手把禮物塞滿七人車，監察完放好東西，他才跟記者道別上車。
李克勤昨日鬼馬把志偉醉相貼上微博，克勤留言：「校長，我有張清楚一點的『開心照』。」
採訪、攝影：徐錦池、朱志聰
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！