在上次風球襲港時，鄰居爆了玻璃窗，玻璃碎散落街上，曾傷及途人，老樓十分關心該途人傷勢，天降橫禍，希望這街坊吉人天相。據悉，上述肇事單位正在裝修，業主乃一名內地買家，當日裝修工人疑未有做足防風措施而釀成意外。原來該名內地業主是冇睇樓便斥近2,000萬元購了這雙連單位，據管理處告知，事發後一直未能與業主聯絡上，只好報警處理。
過去數年，內地客只看樓盤不看樓價的方式豪氣購入特色單位，讓單位空置不租不賣，締造一宗又一宗天價成交，但當中多少是真用家或假投資，未有明確數據。
內地豪客掃貨減少
這些天價成交成為樓價升浪另一數據，令樓價數年間如火箭般急升，因畀得豪，其間發展商為投其所好，營造大量甚麼天與地（天池屋及平台花園）和高層樓底較高的特色戶，呎價可較普通分層戶賣高五成至一倍計。
其實供應商只想賺得多，若一個投資十億元的樓盤想要賺到盡，佈局上總要有明顯分別才能吸引到不同資金背景人士，加上過去十多年內地經濟起飛，富人增加，要吸引到他們的資金，便要設計別具一格的單位才能賣得更高價。目前形勢有變，內地資金少咗要依賴本地用家，便要調整，把價格回復到港人可接受合理水平，但從佢哋近日言論及推盤行動，要減價賣樓，好難。
劉兆昌
資深地產傳媒人
http://www.HKLau.com
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange