今屆美網下周一開打，周四先公佈抽籤結果，塞爾維亞「1哥」迪祖高域（圖）認真唔好彩，硬仗連場，事關佢同阿根廷嘅迪樸度、英國嘅梅禮同線，有機會喺8強、4強碰到呢兩位前冠軍；至於西班牙嘅拿度都唔好過迪祖好多，可能要喺8強鬥5屆盟主瑞士嘅費達拿。女單方面，美國球手莎蓮娜同白俄羅斯嘅艾莎倫嘉分別喺上、下線，有望重演12年嘅決賽組合；但中國「金花」李娜就抽籤不利，除咗同細威同線，仲隨時要喺8強硬撼波蘭嘅拉雲絲卡，認真惡啃。
一副24字的對聯影響蔡瀾一生，今集《亂噏24》，蔡瀾為你逐句解釋！
點擊以下連結，全集即時重溫！
http://bit.ly/appletalk24