無綫節目《求愛大作戰》中嘅盛女Whitney，噚日突然喺Instagram貼咗結婚相，新郎係媽模Mia前夫莊先生，Whitney風騷公告：「I am you,you are me.We are ONE.」
Mia：唔值得高興
馮仁昭噚日打畀Whitney，佢直認成為新任莊太：「我哋結咗婚，事前唔洩露風聲係怕有阻滯。」升呢人妻嘅佢話先享受二人世界再造人，畢竟老公同前妻Mia已經有對仔女：「我都有接觸老公對仔女，相處都好好，但唔放太多感情，怕俾人拎走。我自己遲啲都打算生。」Whitney好介意老公同Mia嘅關係，佢話：「係劉嘉玲老公就話啫，做乜提佢（Mia）個名。」
Mia聽到前夫再娶，噚日喺微博留言：「有些時候……心情真的可以用言語表達出來嗎？」其後喺電話度話：「唔值得有乜嘢咁高興，我人生最後悔一件事係識咗個咁冇責任感嘅男人，祝佢好運。」對於Whitney事前冚實婚禮，怕有人搞破壞，Mia寸爆：「冇咁得閒。」Mia提醒前夫，即使組織新家庭都唔好忽略照顧一對仔女。
撰文：馮仁昭
一副24字的對聯影響蔡瀾一生，今集《亂噏24》，蔡瀾為你逐句解釋！
點擊以下連結，全集即時重溫！
http://bit.ly/appletalk24