陳靜（DaDa）劈炮辭演錢國偉（Wilson）執導的電影《喜愛夜蒲3》，前晚首日開工就落大雨，但現場女星「乳」勢更驚人，趁機攝位上。十二個女仔晒冷式現身蘭桂坊，全部拋胸露腿搶鏡，而傳被DaDa嫌棄的蕭美卡卻冇影。Wilson被問到會否向DaDa追討賠償？他說：「施念慈會同電影公司傾，𠵱家劇本搞掂晒！」其女友陳宛蔚亦有負腳傷客串。
翻兜參演的許亦妮穿上低胸背心谷胸，但風頭仍被何佩瑜（Jeana）、「栢芝奶媽」林芷嘉、「寸嘴Barbie」夏尉喻、文凱玲及郭穎兒（Celia K.）等蓋過，Jeana穿上短Top露X形胸，而擁36G上圍的夏尉喻雖被tube top壓胸，卻令胸部脂肪推湧向上，又怪又big爆！劇組安排兩架名車助陣，林芷嘉為拍落車戲連環NG四次，不停俯身搶鏡。自爆頂替DaDa角色的雨僑身材輸蝕過人，但勝在夠博，她與Jeana拍完一場健身室戲後，被要求當街除掉上衫騷運動top，她二話不說便除掉，Jeana都睩大眼說：「吓？呢度！」
採訪：文國駿
攝影：陳順禎
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！