講到尾，要騙過未婚妻，看她由驚愕到崩潰到冧爆獻吻，最緊要是一條度身訂做，引人入局的靚橋。除了搵專家幫手，只要個人夠創意，你需要的，就是有班肯為你出生入死，拋頭顱灑熱血的老友！以下我們幾個私伙大龍鳳，整埋出催淚重點，往後要DIY靚橋定搵人幫手，都有個方向嘛！
攝影：蔡家輝、陳永威
「雖然我未能在巴黎鐵塔下向妳求婚。但我這裏有個巴黎鐵塔，有酒莊，又有法國人……。你願意嫁給我嗎？」Ryan執起胸前的鐵塔吊嘴，跪下來向Wendy深情求婚，同時送上「Bliss航空」超巨型「will you marry me」機票一張，讓Wendy在上面簽字。一個個靚gag，連環正中她至愛死穴，姐妹們笑不攏嘴，心生仰慕，卻令Wendy感動滿腦空白淚眼婆娑。今日訪問重看錄影片段，Wendy對Ryan的宣言居然是：「好似第一次聽咁！」威力太強了吧。
話說Ryan跟Wendy都很愛去旅行，由大學讀書起已努力儲錢周處去。Wendy更被夜幕下那閃亮的巴黎鐵塔吸引，一直想跟Ryan再感受那浪漫的氛圍，幻想在巴黎鐵塔下求婚。大半年前，Ryan已買好了戒指，就等一個求婚的場合。適逢一位朋友的法國酒舖開幕，法國！紅酒！法國人！天掉下來的機會？Ryan就借為朋友做開幕慶祝為名，引Wendy入局。Wendy：「之前朋友們還說要錄條祝福片段給酒舖主人，但祝福對白全是甚麼拉埋天窗、年生貴子。佢班朋友平時說話都九唔搭八，除了覺得怪，都不以為意。原來都是說給我們聽的！」天真的人總是幸福的，就在成隊足球隊的簇擁下，順利訂婚。
原來Ryan這場大龍鳳已經計劃了大半年。其間想過以遙控直升機把戒指吊出來送給她，又想過潛伏在水池裏，忽然彈出來求婚，卻因種種現實考量而取消：「遙控飛機我怕炒機，弄丟了戒指就大鑊；潛水的話我又不懂游水。思前想後，在香港求婚有Leo幫我們將過程拍成片，又有大班朋友幫忙，許多想像都可成真。反正我倆都喜歡熱鬧，這樣正好。」
最緊要有心
為他們度橋兼拍片的，是微電影導演Leo（林子沛）。即是早前康泰部澳洲微電影《緣途有您》的編劇，同早前在鮮浪潮國際短片展中拍了《心跳．回憶》短片的那個粉紅色西裝男。
他覺得，度出一條得米正橋，或拍出一場動人的大龍鳳，最重要是有「Life」：「大龍鳳，有時真不用花太多錢來堆砌，好多朋友都會一呼百應幫到手。最重要是要將誠意轉成電影，變成禮物，送給未婚妻，作為一生的回憶。」你橋多，梗係講得輕鬆。「現在的相機鏡頭太便宜了，大家都去拍mood鏡，連斟茶、姐妹們喪笑等都用慢鏡重播，就太濫了啦！其實最緊要係誠意箒。那是一種了解。你知道她最喜歡甚麼？你越了解她，條片或件事多豪多威都是其次。」像今次Wendy巴黎鐵塔的願望，融入了他們獨有的默契與期望，就可以打破悶局。
Leo林子沛
mailto:[email protected]
一副24字的對聯影響蔡瀾一生，今集《亂噏24》，蔡瀾為你逐句解釋！
點擊以下連結，全集即時重溫！
http://bit.ly/appletalk24