以勇氣面對弱點，從來都是英雄電影裏，最賺人熱淚的元素。
Debby跟男朋友都愛看超級英雄片《復仇者聯盟》，Debby最喜歡美國隊長Chris Evans。有一日，她在facebook貼上美國隊長的照片，朋友話：「同你男友好似樣喎。」這一句，啟動了復仇者之輪。
其實二人計劃今年結婚，5月已影了一輯婚紗相，男友說如果有埋隻戒指會靚啲，Debby答：「多得你囉！」7月，Debby與好姐妹們逛銅鑼灣，人潮中，忽見美國隊長出現，居然係男友！冇帶盾的隊長執起大聲公讀出愛的宣言。「我反對！」潛伏的蝙蝠俠、蜘蛛俠、超人衝出來，「你哋上星期先鬧交！人哋邊有咁易嫁你呀！」「我覺得你個宣言唔夠感動囉！」仲演變成街頭混戰！美國隊長被其他超人撳住揼，圍觀者個個掛住影相食花生。Debby：「我想像中的求婚係要有驚喜，今次我真係估佢唔到。最重要係佢平時面皮好薄，好怕喺大庭廣眾做尷尬的事，連口甜舌滑都冇乜，佢真係鼓起咗好大勇氣，令我覺得好感動。」Debby笑得甜甜的，攝影師幽幽搭嗲：「怕醜真係有着數呢。」
一副24字的對聯影響蔡瀾一生，今集《亂噏24》，蔡瀾為你逐句解釋！
點擊以下連結，全集即時重溫！
http://bit.ly/appletalk24