阿Wow打開報紙，見大大隻標題寫住王祖賢驚現香港，再掃視張相嗰陣，真係有啲心噏，再鋒利嘅刀都有生銹嘅一日，正如一代大美人都有走樣嘅時候。年輕讀者有所不知，當年王祖賢真係索到爆，尤其係87年俾徐克睇中拍《倩女幽魂》演女鬼聶小倩，阿Wow夠膽講，冇一個女人扮女鬼可以索過佢！
話說王祖賢憑《倩女幽魂》紅到日本，有廣告商搵佢拍洗頭水廣告，日本六間電視台一齊播，班㗎仔個個見到佢都大讚：「嘩，真長！」唔係話佢嘅頭髮，亦唔係事業線，而係佢嘅43吋長腿。日本富士電視台仲請佢到東京拍電視劇《她是來自香港的女警》㖭！
講開又講，《倩女幽魂》入面飾演另一隻女鬼小青嘅薛芷倫，同小倩同一命運，你都咪話唔邪！
撰文：阿Wow
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！