大酒店（045）旗下半島酒店嘅嘉麟樓奶黃月餅越賣越巴閉，今年加價近九成，每盒485蚊都話轉頭賣晒，大酒店CEO郭敬文賣花讚花香，指月餅由師傅人手製造，自己想要多盒都難，形容啲月餅「嫃一聲就賣晒」，高層好似仲有意明年再加價㖭呀。
大酒店噚日舉行業績會，除咗盤數，月餅都係焦點。被問到奶黃月餅明年仲會唔會加價，大酒店營運總裁（COO）包華就笑笑口，舉起手指向上指，似係暗示價錢仲有上升空間喎。郭敬文就補飛話，未考慮明年賣幾錢，希望價錢合理，肯定嘅係，因為人手製造，所以好難增加供應。
淘寶賣600蚊人仔一盒
究竟485蚊買盒月餅，價錢合唔合理呢？強國同胞就肯定多多都買，事關淘寶網上，同款月餅賣緊600蚊人仔一盒，話唔定大酒店遲吓可以諗諗將月餅業務分拆上市。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange