何韻詩雖然已公開同性戀者身份，但感情世界仍受外界關注，早前佢接受有線汪曼玲嘅《星級會客室》訪問，被問係咪同鄧九雲拍拖？佢冇否認，只係笑話：「我唔想講大話，大家繼續估吓。」阿詩成日俾人傳到好花心，但原來佢20幾歲先初戀，拍拖次數仲要五隻手指數得晒，𠵱家佢最渴望可以生小朋友，佢話：「呢幾年身邊好多朋友都有小朋友，我好羨慕，諗住40歲前生。」