《衝上雲霄II》播咗一段時間，大家除咗俾Cool魔同Sam哥嘅型仔電暈之外，喺《衝上雲霄II》最常見，仲有啲咩?
答案就係: 維他命水!呢支水，喺劇入面簡直係無處不在，劇入面嘅人除咗飲水，好似只會飲佢咁，無論跑完步，去canteen食飯定係打邊爐，都要呢支維他命水送飯。
噚日嗰集更離譜，講到咖啡妹(傅嘉莉)以為心儀嘅Issac(吳卓羲)都對佢有意，Issac好煩惱搵Cool魔傾計，提佢小心同情變愛情，會傷害一個人。呢個人，就係杏兒囉!
Issac就諗咗條橋，就係買咗幾箱維他命水，喺沙灘砌個心，諗住朝早call杏兒落嚟冧佢啦，點知咁早無啦啦咖啡妹又會經過見到，即時攬實Issac，杏兒看在眼裡，又一件愛情悲劇啦!但最悲都係網民，佢哋問無綫，究竟要幫呢支水賣廣告賣到幾時呢?咁樣究竟係宣傳，定係反宣傳?
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！