港甲仲有一個禮拜就開鑼，足總噚日召開新球季首個甲組會議，傾到大家最關注嘅電視直播問題。足總副主席兼南華足主羅傑承席後話，董事會下周一會有決定，但據講會上意見分歧，好似東方沙龍、愉園等會都唔願意畀兩萬蚊播波，但足總想霸王硬上弓，仲威嚇唔合作嘅球隊就冇得踢。東方總監梁守志噚日話︰「唔畀踢根本就講唔通。晨曦之前都冇參與（播波），咁點解又可以照踢？𠵱家甲組會冇用，乜都董事會決定！」
至於場地同賽程方面，足總雖然讓步只安排東方喺城門谷運動場踢3場主場賽事，但Peter認為城門谷根本唔適合踢職業足球，今朝會同足總主席梁孔德視察場地。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange