【巨大壓力】
林慧思老師因仗義執言換來巨大心理壓力，「我都係一個普通嘅女仔，太多嘢我都承受唔到，我都累啦」。她目前一直失眠，經醫生建議將會在整個九月休假，她哭問記者：「醫生擔心政治迫害會帶嚟心理創傷，你明白嗎？」
靠食藥入睡
林慧思表示目前她的身體已很脆弱，每晚失眠，「要靠食藥先瞓到，食又食得差，醫生見到我情況都驚」。她哭訴「我好累啦，好想可以休息吓」。她指自從7月14日旺角街頭怒罵警員的片段曝光後，「出街就俾人鬧，頭一兩日出街，就俾人鬧到我同老公講，不如返屋企算」，她又在巴士上被罵到要調位，此後出入要靠的士代步，「出街要戴太陽眼鏡，髮型要換過」。
她指「其實我可以承受幾多呢？我都係受害者嚟㗎」，她坦言有考慮辭職，但亦很想可以繼續教學生涯。「我好鍾意小朋友，因為我小產過，遺憾自己冇小朋友，好珍惜同人哋小朋友嘅關係」。她指「有個學生拎住份支持我嘅紙，影低張相畀我」，令她很感動。她亦感謝網友及家長的留言，「冇佢哋畀動力我，我早就倒下」，她更指「我唔會為份工而退縮，我會擇善固執」。
《蘋果》記者
一副24字的對聯影響蔡瀾一生，今集《亂噏24》，蔡瀾為你逐句解釋！
點擊以下連結，全集即時重溫！
http://bit.ly/appletalk24