美聯（1200）舊年2月發生大規模兵變後，不時傳出高層地震消息。集團執行董事兼住宅部行政總裁陳坤興（Vincent）近日又被傳即將辭職。
兵變後，Vincent已經不斷俾人話會唔撈，但全屬流料，今次消息就講到係佢自己請辭，之後一切職務交畀董事總經理黃子華接手。
美聯例牌回應，話任何董事局成員變動會透過通告發放，集團不予置評。Vincent自1991年加入美聯，經歷兩名創辦人黃建業、馮銳森嘅暗戰年代，又睇住公司上市，由紅褲仔升到執行董事，屬於老臣子。
根據年報，佢舊年總年薪係1,050萬元，其中底薪減兩成，好在花紅搭夠，總額先至同前年差唔多。市場盛傳，舊年兵變後冇耐，美聯就重組管理層，太極黃（前副主席黃錦康）以私人理由辭職，Vincent唔排除係兵變餘震。
一副24字的對聯影響蔡瀾一生，今集《亂噏24》，蔡瀾為你逐句解釋！
點擊以下連結，全集即時重溫！
http://bit.ly/appletalk24