【現場直擊】
新世界溱柏鄰近樓齡已屆四年的原築，位於元朗公庵路，遠離西鐵元朗站，距離輕鐵站約15分鐘步程，記者昨日到現場直擊所見，毗鄰該新盤的原築居民黃小姐苦候小巴半小時，眼巴巴看着四輛小巴滿座「飛站」，結果最後灰爆行路去元朗市中心。
途經小巴常客滿
記者昨日由輕鐵康樂路站沿明渠徒步至溱柏地盤，用了約15分鐘。下午2時10分抵達地盤時，看見原築居民黃小姐正在屋苑旁的小巴站等車，遂訪問她有關該區生活配套，她劈頭便說：「交通真係麻麻哋﹗等車等好耐……前面幾架小巴都無位呀﹗」她說，屋苑有穿梭巴士往來西鐵站，但是她的目的地是千色店，完全是另一個方向，「如果行路去（千色店），要十幾分鐘㗎﹗」
記者及後再訪問其他街坊，直至2時40分仍看見黃小姐還在等小巴，記者欲上前追問她將會等到何時才放棄之際，碰巧又有一輛小巴駛來，她說：「有車啦﹗唔知有無位呢……哎呀﹗又無位……」一臉無奈的她最終都是選擇徒步前往目的地。
另一原築住戶李先生亦認同該區交通並不方便，「係得兩班好疏嘅巴士經過，差唔多半個鐘先有一班，目的地是大欖隧道。如果行去市中心要15分鐘，天熱時，好似𠵱家咁，都幾辛苦﹗而且食飯、買餸都要行出去。」
對於毗鄰屋苑的新盤溱柏，李先生卻轉軚力捧街坊盤，如果該盤細單位，實用面積275方呎，定價起碼接近300萬元，實呎約一萬元，「係誇張㗎啦﹗全香港各區都升晒，係新界西低啲，全部人走晒入來，自然推高呢度，同出面一樣」，他又稱：「（溱柏）銷情唔會差，始終需求大，供應少，一定要去到供求平衡，（樓價）先有機會回落，但𠵱家是供不應求。」
街坊心聲
有小巴但冇位
原築住戶黃小姐表示：「呢度啲交通真係麻麻哋，其實小巴啲班次好密，但係等咗半個鐘，幾架小巴都無位。」 梁志永攝
實呎應一萬元
原築住戶李先生表示：「（溱柏）實呎應該要一萬蚊啦﹗係誇張㗎啦，全香港各區升晒……自然推高呢度（樓價）。」
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange