戰神退役，96年黃金一代漸成過去！有「戰神」之稱嘅76人名將艾華遜（AI、圖），呢3年一直都搵唔到班落；日前傳佢終於心灰意冷，將會喺日內宣佈退休！96年呢代買少見少，比較大名嘅剩番湖人後場組合拜恩、尼殊同熱火射手阿倫繼續喺場上馳騁。
其實01年常規賽MVP戰神，10年為灰熊上陣3場就出走後，已經冇再打過NBA，雖然去咗土耳其搵食，但只係打咗3個月，之後就冇再打過職業級數嘅比賽。咁仲唔止，38歲嘅AI仲要俾前妻追數追到甩褲，最後告上法庭，揭發原來戰神呢幾年財政好唔掂。一直深信返入NBA就可以一鋪反底嘅AI，其實呢幾年一直都有去打NBA傳奇比賽，早排去過中國；可惜佢懶散嘅壞形像，令到冇球隊敢搵佢。𠵱家連佢都收山，仲打緊嘅96年黃金一代真係兩隻手都數得晒，令人不禁欷歔。
一副24字的對聯影響蔡瀾一生，今集《亂噏24》，蔡瀾為你逐句解釋！
點擊以下連結，全集即時重溫！
http://bit.ly/appletalk24