拍賣行春秋二拍係每年盛事，香港蘇富比今年10月舉行40周年拍賣，仲會一連幾日推出各種藏品，其中，10月5號將會拍賣超過60件20世紀中國藝術、當代亞洲藝術等拍賣品。
除咗趙無極所畫、估值逾三千萬嘅畫作《16.5.66》，部份意念特別嘅作品都值得留意。蘇富比噚日就特別介紹當代藝術家劉野一幅《劍》，呢幅畫受電影《卧虎藏龍》影響，畫中兩個小女孩嘅構圖，跟戲中兩位主角一決高下嘅場景互相呼應，相當有趣。
劉野喺2001至2002年間完成此畫，暫時未有估價。蘇富比2006年，曾以370萬元賣出同系列嘅《煙》。除咗劉野，張曉剛、曾梵志嘅畫作亦會喺秋拍出現，部份估值過2,000萬元。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange