蔡瀾呻完一輪悶氣，這回輪到肥佬黎。他不滿現今教育制度，將學生訓練成機器，認為這是扼殺小孩創意的元凶：「我最細嗰個細路仔呢，好似我細個一樣，唔理人，自己好集中做自己嘢，先生講乜嘢佢唔理。個先生夠膽叫我：『你個仔要睇心理醫生呀，唔睇呢，我哋唔可以繼續接受佢！』我話你黐線㗎？大佬，細路仔唔聽書，咁有乜嘢咁大件事呀？」
肥佬黎慶幸自己「讀得書少」，不受倒模式教育限制，要不然或許沒有今天成就，他又認為讀書最緊要用心去學：「台灣有兩個總統，一個叫陳水扁，一個叫馬英九。兩個讀書都一流，做到咁嘅總統，你話讀書叻？殃國害民呀呢啲！」
GiGi入行開竅
GiGi自言是乖乖學生，從不跟老師頂嘴，她能開竅主要是娛圈逼出來：「呢一行你快速成長，冇得唔成長。因為你喺一個咁複雜環境度，你可以自身仲係好簡單、思想好簡單，但都要識得點樣去學習swim with the shark，但你千祈唔好變成鯊魚。」還是肥佬黎最精警：「你今日同三條鯊魚游咗水你都唔知！」為這次錄影畫上完美句號。
一副24字的對聯影響蔡瀾一生，今集《亂噏24》，蔡瀾為你逐句解釋！
點擊以下連結，全集即時重溫！
http://bit.ly/appletalk24