【大坑】湯盈盈今年3月為錢嘉樂誕下愛女Alyssa，唔經唔覺，囡囡就嚟半歲大，盈盈同樂樂亦開始有番啲私人時間。最近有纖體公司搵盈盈做代言人，日前佢出嚟宣傳時已見收身成果，可以性感示人。
人龍太長作罷
盈盈自言有媽咪幫手湊女，所以兩公婆可以偷得浮生，前晚9點幾，盈盈同樂樂拍拖去大坑撐枱腳，幾經選擇後，佢哋搵咗間日本料理開餐。坐低冇耐，盈盈已經叫咗幾款魚生，樂樂好似冇乜胃口，只係叫咗一壺清酒自斟自飲，其間仲不停講電話，又徒手清潔牙罅。至於盈盈可能真係戒口太耐，見佢將纖體代言嘅責任放埋一邊，食到冇停口。
盈盈同樂樂食咗一個鐘有多，之後就十指緊扣離開，食到心滿意足嘅盈盈仲好似小鳥依人咁黐實老公。佢哋喺大坑一帶行咗一陣，去到一間分子雪糕店時，盈盈同樂樂都停低睇，盈盈以一個好想食嘅眼神望住老公，仲成個身貼住老公㖭，睇嚟扭計博得逞。不過樂樂就以一個好肯定嘅眼神，仲指向正喺店外排隊嘅人龍，令到盈盈打消食雪糕嘅念頭。食唔成雪糕，兩公婆行返去架車度，飲咗酒嘅樂樂好乖，將揸車嘅責任交畀只係飲少少嘅盈盈身上。
採訪、攝影：梁繼光、李志明
一副24字的對聯影響蔡瀾一生，今集《亂噏24》，蔡瀾為你逐句解釋！
點擊以下連結，全集即時重溫！
http://bit.ly/appletalk24