【拆局】
今次國泰邀請行政會議及立法會成員「考察」曝光，引來外界質疑議員有利益衝突，亦曝露國泰長期秘密進行的公關戰略。有知情人士指類似考察除邀請議員外，亦廣及智庫、專欄作家、名嘴及傳媒高層等，「當國泰同工會、政府開戰時，確保呢班人企喺國泰呢邊」。
據悉，國泰這種公關戰略已開始多年，當年國泰更聘請一些曾任議員助理人士加入公關部，負責制訂考察名單，「總之要分得好平均、個個黨有份」。
據知國泰十分重視這些公關工作，甚至對這些「貴賓」有求必應，「以前有個立法會議員，搭親國泰就買經濟位，之後打畀公關要升級去商務艙，幾乎次次都掂」。
該知情人士指出，國泰成功拉攏到這班人，最大好處是爭取輿論陣地，確保國泰與工會、政府有爭議時，這些人「企喺國泰呢邊」，令國泰有優勢，「就算唔公開幫口，只要唔企喺對家一邊，已經係好大優勢」。
《蘋果》記者
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange