【第41屆港姐競選之各出奇謀】無綫《2013香港小姐競選準決賽》周日晚舉行，20位候選佳麗昨日在黃竹坑一間酒店泳池進行前哨戰，比賽游水鬥快，當中一半佳麗因不諳水性，寧願站在池邊做啦啦隊。落水佳麗也各出奇謀搶鏡，大部份佳麗都是游自由式或蛙式，唯獨17號陳凱琳及19號蕭穎詩來回用了自由式及背泳，背泳更凸顯身段，不過陳凱琳否認搶鏡：「因為我唔夠氣，剛才都飲咗幾啖水！」
劉溫馨：冇扮假狗
結果由3號余思慧以33秒18成為冠軍，她說：「中學參加過泳賽，去咗美國都練過兩年水。」而身材最出眾的14號林思韻落水前做足熱身，拉筋時奇峯突出，不過結果游尾二，游足1分2秒43，問到是否負荷太重？她笑說：「都會影響表現，唔係（胸部太大）應該快5秒啦！」至於在港姐面試初期奇𥧌突出的9號劉溫馨，昨日穿上大會安排的三點式泳衣明顯較失色，問到之前是否加胸墊裝假狗？她說：「可能背脊薄，我冇扮假狗！」
有指今屆港姐會增添大公審環節，由曾志偉、鄭裕玲、陳百祥及李克勤輪流問佳麗的是非新聞。昨日再有讀者爆料，指6號劉佩玥就讀沙田呂明才中學時經常恃靚橫行，讀大學時又嗲男同學幫手做功課，昨日她承認讀該校：「我間學校聲譽好好，我唔講粗口，平時份人都好友善，識我嘅人都知我唔會蝦蝦霸霸。」問可擔心被公審？她說：「清者自清，自己冇做過。」至於被爆料最多的13號歐陽巧瑩，昨日又被指喜扮TB追女仔，疑似雙性戀，不過她說：「去化裝舞會時扮過（男仔），我做嘅唔係乜嘢壞事，我份人頂天立地，對得住天地良心。好期待大公審，等觀眾睇到我。」
採訪：楊潔雯
一副24字的對聯影響蔡瀾一生，今集《亂噏24》，蔡瀾為你逐句解釋！
點擊以下連結，全集即時重溫！
http://bit.ly/appletalk24