【專訪】
今天是菲律賓人質事件三周年，3年前慘被菲律賓魔警門多薩向頭部開槍，大難不死的易小玲，換來右下顎嚴重重創，失掉大部份牙齒。無奈的是，3年來手術不斷失敗。本周三，她再往覆診，主診醫生指由於她的右下顎植骨失敗及骨枯死後，原本無問題的左下顎亦受到影響，血管及骨亦萎縮。換言之，易小玲的左下顎也可能崩塌。
由於右下顎骨枯，易小玲最近只能吃流質食物，過去三個星期，體重由118磅跌至100磅。本周三，她再次到威院覆診，惟主診醫生告訴她，由於之前植入去的骨出現骨枯及發炎，影響到左邊下顎餘下三分之一的顎骨也出現不穩定，需要醫生裝上螺絲鞏固，「醫生同我講，有可能本來無事嗰邊條骨都會縮。佢叫我𠵱家乜嘢都唔使諗住，唔好諗整容或者植牙，救番條骨先」。
她坦言，手術一次次失敗，令她感到很灰心及絕望，「我𠵱家都唔知可以信咩，惟有祈禱。」易小玲說，3年來走不出陰霾，如今康復程序又要由零開始。
有曾醫治槍傷的外科醫生坦言，一般下顎受槍傷人士，最重要是第一次清理傷口手術必須徹底，因為槍傷會令四周許多組織壞死。如果接受手術後，骨枯及發炎會影響到另一邊的顎骨，「如果骨出現咗『溶』嘅情況，亦即另一邊嘅骨都受感染，好難救得番。手術失敗次數越多，就越難做及越難成功。」
噩夢纏繞勾起悲痛
臨近慘劇三周年，易小玲坦言很驚及不敢看新聞，擔心勾起悲痛回憶。「我發夢見番晒所有團友，其中Masa同我講，話佢哋唔夠錢使，話叫我燒2,000萬畀佢哋。我嚇到醒咗，我好驚。我係信主嘅，唔可以燒衣紙，但我會幫佢哋祈禱。跟住瞓番又發噩夢，夢見有個人攞住支槍話要打我個口，我話我都無下顎，嗰個人話我要打埋你啲牙，我又嚇到醒咗。」3年以來，手術帶來的痛苦，無法令她擺脫慘劇帶來的恐懼和陰影。
日前本報報道易小玲的近況後，引來各界關注，有熱心市民表示願意全數資助她到外國做手術外，韓國一家醫療集團轄下的矯形整容醫院，亦表示若易小玲願意的話，可以無條件免費送她到韓國，進行下顎重建手術。
《蘋果》記者
一副24字的對聯影響蔡瀾一生，今集《亂噏24》，蔡瀾為你逐句解釋！
點擊以下連結，全集即時重溫！
http://bit.ly/appletalk24