魚樂無窮:安踏新升浪一觸即發 - 唐牛

魚樂無窮:安踏新升浪一觸即發 - 唐牛

周初叫大家買定彩星玩具(869)等放榜,三日下來已搶升17%,再闖高𥧌,有跟進嘅戰友現水平可先食一半,袋袋平安,其餘睇埋業績再作決定。

安踏體育(2020)早前公佈訂貨會數據靚仔,股價爆升一段,近期隨大市調整,相信係新一輪升浪嘅最後上車機會,戰友請好好把握。安踏公佈2014年首季訂貨會定單金額,按年錄得高單位數增長,為2012年第三季以來首次重現正數,在在反映去庫存活動奏效,分銷商信心回復。事實上,整個行業被基金沽至體無完膚,由天堂推落地獄,全因庫存積壓問題,一旦成功解決,加上低基數效應,盈利隨時出現爆炸性增長。雖然安踏中期盈利按年跌19%至6.3億人仔,但若與去年下半年比較,無論毛利率、盈利均回升,所以主席丁世忠嘅見底論,絕對有理據支持。
睇圖表,安踏由上周四高位10.38元,回調至周二低位9.50元,但成交明顯較之前升浪為少,反映沽壓不大,只是獲利盤借勢蒲頭。近兩日更以陽燭回升,噚日收報9.94元,升0.6%,剛好收復10日線,短線有企穩之勢。現價入場,中線以12元為目標,潛在升幅21%。

唐牛

一副24字的對聯影響蔡瀾一生,今集《亂噏24》,蔡瀾為你逐句解釋!
點擊以下連結,全集即時重溫!
http://bit.ly/appletalk24