一滴精、一滴血？原來睿智如蔡瀾，年少時也對此雜誌語句深信不疑。時移世易，道德的尺也不斷在變，蔡瀾慨嘆生不逢時，要受一夫一妻制的束縛，不能隨心所欲；大情聖倪匡堅持愛一個已夠；黎智英（肥佬黎）則從社會學角度，分析青樓的社會功能。三個男人談情說性，梁詠琪（GiGi）不知從何插嘴。《亂噏24》逢周四晚上11時播出，可在 http://bit.ly/appletalk24重溫。
撰文：馮國康
見多識廣的蔡瀾，單憑梁詠琪講述老公Sergio的飲食習慣，已猜到對方是Catalan。Catalan是西班牙的北方人，自覺是優越人種，比南方人高人一等，多年來爭取獨立，因而引發不少紛爭。蔡瀾認為全世界都是南方人愚蠢但勤力，北方人聰明但懶散，他說：「不過南方富庶啲，魚呀、海產呀一定叻過北方。所以南方人幸福，北方人唔幸福。」肥佬黎解釋：「幸福嘅人都係蠢啲。」GiGi修正為「蠢啲嘅人覺得幸福啲」。
爆老公好識食
說起「難得糊塗」，蔡瀾即席分享多年前老師教他的金石良言：「發上等願、結中等緣、享下等福；擇高處立、就平處坐、向寬處行。」肥佬黎認為一個人年長了，有了人生歷練，都會有此頓悟，蔡瀾差點噴茶：「老咗你聰明至會！老咗蠢唔得！」倪匡依舊笑嘻嘻：「老咗蠢好呀，唔使諗咁多嘢！」
上集講到Sergio夠膽識追求GiGi，原來他的膽量同樣放諸於美食上。GiGi說：「先生嚟咗香港之後，好鍾意食亞洲菜，日日都話要食魚蛋粉、雲吞麵、小籠包。」坊間有說老外最怕喝湯水，五顏六色難入口，原來也難不到Sergio，GiGi說：「我老公好鍾意㗎！佢乜嘢都敢試，又鍾意食榴槤！」倪匡追問：「皮蛋得唔得？」GiGi興奮說：「佢好鍾意食皮蛋！我啲同學都知佢鍾意，特登去上環買嚟畀佢。佢仲要帶去西班牙畀老爺奶奶試，蒙住佢哋對眼，畀佢哋一粒粒咁試。咁佢哋話係cheese囉！」Sergio連皮蛋都啱，肥佬黎和倪匡直豎拇指：「合格。」
羨慕尋花問柳
酒過三巡，眾人話題更偏重口味。肥佬黎提到後生時任職毛織廠經理，被迫晚晚陪老闆落club，直斥對方有病。GiGi認為那是麻醉自己的方法，蔡瀾大表認同，但他最羨慕古人能到青樓尋花問柳：「如果佢（妓女）日日畀你新知識，我寧願病態呀！」肥佬黎嘗試用社會學角度，拆解青樓在當時的功能：「譬如我有個老婆喺屋企，我想養多幾個女人，但我唔想喺屋企養，咪叫青樓同我養囉！我就唔使煩我屋企，屋企就安寧。（拍枱）咁樣天下太平！我可以畀得起錢養一個，咁咪養一個囉！如果我畀得起錢養半個，咁咪同另外一個人分囉！如果我只係畀得四分一，咁佢咪自然有四個人囉！」GiGi只懂尷尬儍笑，完全搭不上嘴。
蔡瀾如覓知音，向肥佬黎碰杯後，亦爆出某香港小姐的秘密！他說：「20年前已經有一個香港小姐咁做。佢就係一三五你嚟，二四六佢嚟，結果越嚟越多，咪分一二三四五六。但𠵱家越嚟越唔容許囉，一夫一妻之後唔容許囉！」
討論禁忌話題
轉變，他舉出一個禁忌話題：「好多年前，我哋覺得唔可以打飛機。因為有雜誌話『一滴精一滴血呀，你打飛機你死梗㗎！』」逼得肥佬黎拍枱大叫：「冇理由你信喎，你唔好老點啦，蔡瀾！就算係我後生嘅時候，要做呢啲嘢，血咪血囉！由佢流囉，咁過癮！」蔡瀾平心靜氣的說：「後來就話唔緊要嘅，正常。因為時代變遷，我哋道德觀念又改。」他又以因同性戀而被收監的英國大文學家王爾德（Oscar Wilde）為例，指出這是社會的錯、時代的錯：「咁聰明嘅人，畀你哋呢啲衞道人士搞到咁。所以我哋冇錯，我哋道德觀念一啲都冇錯。我哋愛四個老婆，一啲都冇錯。」
一副24字的對聯影響蔡瀾一生，今集《亂噏24》，蔡瀾為你逐句解釋！
點擊以下連結，全集即時重溫！
http://bit.ly/appletalk24