唔少工商界中人眼光好銳利㗎，除咗睇到投資前景，亦會吼準入市良機；但身為廠商會會長嘅施榮懷，目光更厲害，單憑肉眼，已經目測到炸乳鴿炸得好定壞！話說佢日前喺一會所食飯，一見到侍應捧咗幾隻炸乳鴿上枱，佢即時皺晒眉頭，忍唔住要投訴啲乳鴿唔多掂；啱啱試食乳鴿嘅食客紛紛開口證實隻鴿炸過龍乾晒身，經理睇過都即時耍晒冧。點解未試食已肯定炸乳鴿唔夠靚？阿施笑笑口話，佢早年都開過酒樓，搞過呢門生意㗎，食材好唔好、大廚手勢得唔得，一眼睇得到。
相戀54年！倪匡向全世界說：「到現在這麼多年，還是這麼深愛太太！」
你都想分享一點甜蜜？立即重溫今周《亂噏24》！
http://bit.ly/appletalk24