阿爺一直都話打壓樓市，又限購，又限貸款。結果係點？唔駛問都知，就係越壓越升。
單睇國家統計局公佈6月份70個大中城市的房價指數，有63個城市樓價仲高過5月份，最恐怖係，北京竟然喪升近17%，是咁多城市中升得最癲。反映房企一於樓照賣、價照升！
瑞信摩通上調目標價
睇番內房股成績表，世房（813）真係勁到無朋友，唔計投資物業重估，核心盈利爆升六成至近30億人仔。瑞信指，毛利率及核心淨利潤率齊升，係暫時嚟講，唯一一間房企利潤率好過舊年同期。預計樓盤均價繼續升，同埋有效控制成本，利潤率有望再高一線，下半年表現會更勁！將目標升至22.5元，維持跑贏大市評級。
另外，摩通都讚賞世房績佳，但留意到其太過積極買地，令淨負債率由64%升至68%。不過，大部份地皮都在一、二線城市，公司又加快起樓速度，應該好快就可以推出市場，成為下一個增長動力。加上，不斷擴大土儲，亦可以令公司增長神話延續到出年，預測明年合約銷售及核心盈利均再升25%，目標又升至21元。
事實上，摩通分析師之前在7月10日及22日調升世房目標價，股價至今已累升逾三成，昨收18.76元。加上彭博綜合券商預測，近九成都叫買，無一間叫沽。睇埋走勢圖，升勢一浪高於一浪，的確值得支持！
瑪姬兒
相戀54年！倪匡向全世界說：「到現在這麼多年，還是這麼深愛太太！」
你都想分享一點甜蜜？立即重溫今周《亂噏24》！
http://bit.ly/appletalk24