股神畢菲特早兩年以購買優先股形式，借咗50億美元畀美國銀行，借貸期10年，每年淨收息都有6厘，股神同時獲發一批認股證，美銀股價亦不負所托，兩年來長升長有，現價比行使價7.14美元翻一番。股神短短兩年已經從美銀身上，賬面勁賺52.7億美金，相當和味。
美銀幫股神賺咁多，行政總裁Brian Moynihan居功至偉，難怪傳媒八到，畢菲特本月6號特登喺一個俱樂部訂位，請Brian同佢共晉晚餐。雖然冇人知佢哋傾乜，但美銀前景肯定係話題之一。
計一計，股神喺2008年金融海嘯後，市場人心惶惶之際，先後以優先股形式入股高盛、通用電氣同美銀，結果都係大賺，印證佢嗰句「別人恐懼時貪婪，在別人貪婪時恐懼」，係投資路上嘅至理名言。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange