「係呀，五歲梗係百厭啦！細個係咁，咁多人喺度玩，片場周圍屙尿、周圍射，叫埋姜大衛、秦沛、小明呀！聯群結黨，搞三搞四！」
幸福小田，玩樂人生由童星開始，他說：「我係抱住玩嘅心態去拍戲，我唔係入行，因為我父親喺長城電影公司做配樂，母親係《新晚報》編輯楊大姐，咁所以佢哋有套戲叫《兒女經》要好多細路仔，咁咪入咗去一排，我又唔係搵食，叫我拍咪拍囉！好好玩㗎！拍完老竇又買架原子粒收音機畀我，又買架單車，好大獎賞㗎，拍一日有五毫子定一蚊㗎！總之返到學校有錢，可以請同學食嘢，又可以做大哥，又可以帶同學去睇拍戲，幾威！所以我對拍戲冇興趣，但我絕對唔抗拒！」
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！