行會成員兼永遠的特首黑馬陳智思，噚日出席自由黨青年團時，再次實牙實齒話唔會入閘跑馬仔，一來因為要打理家族生意，二來覺得香港冇培訓人才做no.1，如果唔係出身公務員都好難適應。咁係咪即係狼振英都管唔掂呢？佢即時兜返話好在特區no.2同no.3都係公務員出身，可以互相配合喎。八方覺得，最後一個原因先致命，佢噚日笑稱，早前住宅被揭有僭建，至今仲未搞掂㗎！點解採取拖字訣？陳智思呼寃，解釋處理僭建真係要花好長時間，𠵱家已經進入最後階段。
相戀54年！倪匡向全世界說：「到現在這麼多年，還是這麼深愛太太！」
你都想分享一點甜蜜？立即重溫今周《亂噏24》！
http://bit.ly/appletalk24