淘寶嘅出現，令速遞業霎時蓬勃起來，其中由港人王衛創立嘅順豐速運更加係大紅大紫。最近順豐速運引入國家隊資金，元禾控股、招商局集團、中信資本共投資不超過順豐25%的股份。雖然唔知投資額，但單睇新股東來頭，就知順豐盤生意真係唔嘢少。前者前身係蘇州創投集團，核心業務包括內地首隻國家級創投母基金，至於後兩間就唔使講。
順豐成立20年來首次融資，令唔少人揣測公司準備上市，不過菲菲覺得上市機會細。如果大家google吓水貨佬起家嘅王衛，資料可以話係極少。
以CEO來講，王衛作風係不尋常嘅低調，只係兩年前接受過一次訪問。當時佢好明確咁話，上市後要透明化，對面對劇烈競爭嘅順豐不利，所以短期內唔上市；而且佢唔想落決策時，受制於股價或小股東。
上市太唔似王衛作風了，加上今日速遞業競爭比兩年前更激烈，根據佢嘅邏輯，𠵱家上市更有礙打仗。
反正有國家隊支持，資金不缺，順豐可更安樂強化業務。所以相信順豐今次只係策略性融資，各位想入股？未有耐呢。
Fifi
本欄逢周二、四刊出
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange