「糖王」郭鶴年家族旗下嘉里建設（683）噚日宣佈，郭鶴年長子郭孔丞由於參與其他商務，即日起辭任主席同執董職務，由效力郭氏22年嘅黃小抗接任主席。
曾與鄧麗君熱戀
現年59歲嘅郭孔丞相當低調，佢最為人所熟識，就係80年代與鄧麗君嘅一段情。話說當年兩人經朋友介紹認識，繼而熱戀，甚至談婚論嫁，可惜最後因為郭孔丞祖母提出多項苛刻條件，令到鄧麗君退婚，仲同郭孔丞分手。又係一個並非門當戶對嘅愛情悲劇!
市場一般預期，郭鶴年今年90歲，應該由長子繼承家族業務，不過郭鶴年一直冇乜表示，佢本人同樣低調。值得留意嘅係，同系香格里拉（069）主席，即係郭鶴年次子郭孔演今年4月起請假半年，𠵱家郭孔丞又話因參與其他商務而辭任嘉里主席，大股東可否向小股東講清楚發生乜事呢？
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange