大家覺唔覺得，近排社會少咗戾氣？唔知係咪一如網民所言，噚日農曆鬼節生日嘅狼振英離港放緊大假嘛，冇人撕裂社會，梗係和諧咗㗎，但有官員嘅「肺腑之言」，八方就深信不疑。有人話狼振英最近兩次休假「銷聲匿迹」之時，都有佢嘅反對者「中招」㗎；前有練乙錚，後有噚日被廉署告嘅尖啤，真係巧合到離奇囉，巧京京呀！
有官場老友一早做先知，同八方講過狼振英今次休假有「景轟」，事關明明行會唞暑後噚日復會，身為特首，理應主持會議，但狼振英反而復會前一日開始放大假，唔可以早啲或遲啲咩？覺得佢一定有不可「告」人的秘密。
果然畀佢開口中喎。八方仲記得，狼振英2月初離港休假前，以個人名義就《信報》刊登練乙錚指佢涉黑嘅文章發律師信；傳媒發現事件時，佢啱啱離港休假，逃之夭夭。
外遊撞正尖啤被起訴
事隔幾個月，歷史又重演。廉署噚日公佈落案起訴變節「梁粉」劉夢熊涉嫌妨礙司法公正；而事件關鍵人物狼振英，咁啱得咁蹺又唔喺香港囉。情節咁鬼熟口熟面，唔怪得有口痕友話，世界邊有咁多巧合？仲要撞正狼振英壽辰喎；咁樣「賀」壽星公，認真有心！唔知外遊中嘅狼英，會唔會獵熊贈吓興，當係送畀自己嘅生日禮物呢？
mailto:[email protected]
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange