日本最大購物網站Rakuten推食品速遞服務，將地道的海鮮生果直接送到屋企門口，Samantha欣賞其洞察力和生意頭腦。
海鮮速遞是近年朋友們的「飛弗」，有乜開心得過南非、蘇格蘭、美國生蠔即開即食，皇帝蟹、和牛同枱出現，鯨吞多件珍寶帆立貝都唔覺肉赤，這「重量級」陣容若發生在日本料理餐廳，唔放低幾張金牛，睇怕埋唔到單，速遞家陣最多半價搞掂！
Samantha就覺得這一行真係有得做，因為連平價嘅壽司也能夠賺得盤滿缽滿，有雜誌訪問賣壽司賣到爆紅的爭鮮前廚房主管，他就爆料話，呢間賣3蚊件壽司的台資外賣壽司店，每間分店喺三個月已經回本嘞，而佢自己另起爐灶個間都可以在八個月回本。
另外，堪稱無孔不入、旗下有「元氣」跟「千両」的美心，近期同爭鮮打對台，開間「魚尚」外賣壽司店，據聞開張2蚊酬賓！
2蚊都肯做，高檔壽司毛利豈不仲誇張？
高級刺身豈不是可以天價成交？當然，賺取暴利的共通點是，經營的都是非日資，以日本人將每件壽司做得極精緻的成本來計，很難賺到盡的。
Samantha
本欄逢周一、三、五刊出
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange