中電信（728）前日公佈，跟做開網遊同搜索引擎嘅網易搞「易信」，擺明挑機騰訊（700）嘅微信，網易創辦人丁磊喺發佈會上炮轟微信搞壟斷，唔肯放開平台，事件令人記起丁磊同騰訊老闆馬化騰嘅新仇舊恨。
內地傳媒指，丁磊唔妥馬化騰唔係今時今日嘅事，話說當年丁、馬二人未發迹，因上網成為網友，丁磊仲老遠坐火車去深圳探馬化騰，一齊飲啤酒。馬化騰後來搞騰訊，都係見丁磊成功創立網易而得到啟發。隨住馬化騰身家同社會地位提升，兩人就由面和心不和發展到丁磊唔妥馬化騰。聽聞丁磊幾年前已經批評騰訊唔肯開放平台，又指馬化騰專抄人嘢。不過咁，網易都被人形容為「中國版雅虎」。
相戀54年！倪匡向全世界說：「到現在這麼多年，還是這麼深愛太太！」
你都想分享一點甜蜜？立即重溫今周《亂噏24》！
http://bit.ly/appletalk24