金利豐（1031）老闆娘朱李月華每次現身必定珠光寶器，噚日主持股東會，除咗手上戴住隻自家名錶Franck Muller，仲潮玩gel甲。
講起呢個名錶品牌，朱太早排幫韓國歌星PSY，整咗隻全球獨一無二、用鑽石砌成PSY個樣嘅手錶。朱太透露，最近亦搵咗一位香港人做代言人。
咦！熱爆全城嘅Cool魔張智霖早前專登過大海，出席朱太嘅生日晚宴，唔通就係佢？朱太笑而不語，話要等到下月先揭曉喎。
Franck Muller一隻錶閒閒哋一百幾十萬，張智霖除咗靚仔，仲係馬主，照計都襯得起呢個品牌，實冇失禮。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange