太古A（019）上周五公佈全系換主席，由國泰航空（293）行政總裁史樂山明年3月，接替白紀圖做系內4間上市公司主席。呢單嘢仲有一條八卦料，傳聞有份角逐主席一職嘅，唔只史樂山，太古地產（1972）行政總裁郭鵬亦係人選之一。
以年紀同年資計，郭鵬都係差史樂山幾年，史樂山喺太古集團做咗33年，郭鵬只有27年，郭鵬多年都係管數，早幾年開始負責太地，仲幫太地完成上市大計，雖然冇集資，但總算上咗市。賽果就顯示，都係史樂山較得英國大股東歡心。
JSS增持顯信心
太古A大股東John Swire & Sons（JSS）本周一亦真金白銀拎錢出來穩定軍心，斥資超過1,860萬元，增持太古A。聯交所資料顯示，JSS本周一以每股平均價93.124元，喺市場增持20萬股太古A，持股量輕微提高至31%。
相戀54年！倪匡向全世界說：「到現在這麼多年，還是這麼深愛太太！」
你都想分享一點甜蜜？立即重溫今周《亂噏24》！
http://bit.ly/appletalk24