【芭堤雅直擊】泰國白龍王周欽南上周六病逝，享年76歲，連日來不少香港藝人都專程到泰國致祭。人稱三哥的苗僑偉及太太戚美珍昨日亦到達芭堤雅的白龍王廟拜祭白龍王，向白龍王遺像叩跪及上香，兩人表現激動，戚美珍更擁着師母及白龍王細女Pet痛哭。
三哥夫婦稍後接受訪問時表示，認識白龍王已經28年，第一次見面是在天天漁港酒家，三哥說：「師傅教識我做人道理，我同師傅緣份同感情都好深，就連我結婚生仔，都係師傅叫我做。佢教人道理好好。」他回想跟阿戚拍拖時，雙方都年少氣盛時常吵鬧，白龍王提點三哥要學習包容。
「我哋關係似屋企人」
三哥透露對上一次見師傅是上年的事，每年師傅生日都會過來，平均一年來兩三次，而氣管問題已纏繞師傅多年，三哥說：「我哋嘅關係就好似屋企人，就算白龍王離開，我哋仍然會不時過嚟探師母。好似當年個女出世之後，師傅叫我再追多個，佢話一定係仔，點知真係。」閒談期間三嫂跟師母及Pet展示一對兒女的近照。談到下月1日白龍王舉行葬禮，三哥夫婦均表示未知當日是否有工作在身，故未能確定能否出席。三哥謂：「師傅見到我哋個個都嚟見佢，都會笑。」
在赴芭堤雅前夕，三哥前晚到大埔接受電台訪問，有傳王維基斟他過檔香港電視，他謂：「我同TVB仲有部頭合約，明年1月仲要返去拍劇。」他直認王維基曾斟洽過他，但短期絕不能成事：「唔一定只係拍TVB，如果有啲嘢好吸引，可以傾㗎。」有傳三哥不滿經常在無綫劇做陪襯，他否認：「都明白一套劇咁多人，冇可能喺晒我度，我邊有咁霸道，就算係我都應付唔到。」
採訪：吳耀輝、卓寶花
攝影：楊浩賢
相戀54年！倪匡向全世界說：「到現在這麼多年，還是這麼深愛太太！」
你都想分享一點甜蜜？立即重溫今周《亂噏24》！
http://bit.ly/appletalk24