靚女真係較受歡迎？六福集團（590）噚日舉行股東會，其中一項議程係重選幾位董事，包括前港姐楊寶玲同身兼港交所（388）獨立非執董嘅許照中都要被重選，結果？楊寶玲得1.08%小股東反對，許照中就有15.6%反對，雖然順利連任，但稍為失威囉。
楊寶玲同許照中都喺六福做咗好多年非執董，轉眼已經46歲嘅楊寶玲，直情係創辦人之一，多數幫手搞埋公關工作，做代言人呀咁。
許照中1997年已經開始做六福董事，做到近年同大股東私人合作搞證券行。照計，以許照人喺股壇42年經驗，加上又係港交所董事，做非執董，品質應該有保證，何解遭小股東用腳投票呢？唔通就係不滿佢今時今日仲走去搞六福證券？
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange