楊卓娜同張達倫喺無綫處境劇《愛．回家》飾演情侶，結果帶挈佢哋有賺外快機會，噚日佢哋喺尖沙嘴拍財務公司廣告，原來之前已齊齊登台同拍廣告。講到今次酬勞，楊卓娜同張達倫笑住話：「我哋都估唔到，真係多謝編劇塑造好形象。」張達倫喺劇嘅好先生形象好受歡迎，成日幫女朋友攞手袋，但佢話：「現實我接受唔到，亦冇試過幫女仔攞手袋。」而楊卓娜話試過叫老公攞，不過佢唔肯！
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！