【福建直擊】當年十足孖公仔的楊穎（Angelababy）及文詠珊（Janice Man），入行後傳因成為競爭對手而反目，姊妹情不再。前晚Baby及JM到福建出席「第13屆華語電影傳媒大獎」，其中Baby奪觀眾票選最矚目女演員獎，JM則擔任頒獎嘉賓，兩人先後到慶功宴，但未有同場合照，Baby直言跟JM曾因誤會而一度疏遠。
過氣老友避合照
慶功宴上Baby先現身訪問，問有否見到JM？Baby說：「有呀，我仲約佢今晚傾偈，好耐冇見。」計近年表現，Baby明顯比JM優勝，Baby說：「唔會，大家有自己路，我有支持睇佢嘅戲。」是否因成績高低影響姊妹情？她說：「我哋細個好老友，係有疏遠，但𠵱家大個咗，呢行冇永遠朋友同敵人，但中間係有少少誤會。」有人挑撥離間？Baby不欲多談，並指問題不大，只是各有各忙。
訪問完後記者叫Baby留下等JM合照，Baby匆匆說：「一陣先。」然後離開，最終兩人也沒合照。至於JM，問她會否羨慕Baby得獎？她說：「每人有自己目標，我戥佢開心，約咗佢慶功，好耐冇見。」為何曾疏遠？她說：「係工作忙啫，我哋細細個就識。」雙方競爭會否影響友情？她說：「唔會因為咁冇朋友，冇競爭點樣進步？」
會否覺得Baby發展好過自己？JM稱不介意：「無可厚非佢係好，但唔代表自己要放棄，我唔介意自己行得慢，腳踏實地。」她謂不想多談是誰挑撥兩人的友情，並坦言娛圈很難找到知心友，故要好好珍惜。另外，Baby昨到北京出席嫣然天使基金活動，宣佈稍後會到青海西寧，探訪接受唇顎裂手術的小朋友。
採訪、攝影：曾小嘉
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！