阿里巴巴係咪在港上市到家陣都係未知數，創辦人馬雲就一於少理，為集團上市不斷撬猛人幫手，唔知係咪因為早前《南早》報道佢六四言論事件，馬雲特別着重對外溝通呢一個環節，除咗公關部門，阿里專登從瑞信搵咗專睇科技股嘅張永恒（Wallace）做投資關係部（IR）阿頭。
貪佢人脈好
Wallace算係本港資深嘅科技股分析員，喺瑞信做咗冇9年，都有8年，除咗香港科技股，都會睇埋海外科技股，相當專業，馬雲搵到佢做IR阿頭，應該睇中佢喺行內嘅人脈關係。
講開又開，除咗Wallace，市場亦有傳聞指，阿里一早喺投資銀行界撬走大批猛人幫手，其中，新成立機構融資部門，部門主管姚允仁（Michael Yao），仲係前特首董建華家族嘅姻親、董建華嘅外甥婿㖭。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange