葉茂林旗下位於蘭桂坊的3間Club上市大計有進展，再度成為中環友嘅話題。想知上市後嘅Magnum買唔買得過，就要知佢哋點賺錢。
夜店收入除咗入場費、勁貴酒水外，其中主要來源係酒枱，以Magnum為例，每張最低消費盛惠7,000大元。
不過呢類Club到底要點做marketing，先可以令酒枱爆滿？答案就係青春少艾要夠多！
消息人士就同菲菲講，查實Magnum每晚都會請一堆妙齡少女落場充撐場面，以前市旺嘅時候，時薪最高達230蚊，不過聽講近來已跌到去200蚊樓下。
當然，呢班妹妹仔落到去，唔係齋跳舞；如果成功用冧功，令到有人為佢買酒，甚至開酒枱，佢哋仲會有佣分㖭。
Magnum咁旺場，相信收入都幾和味。不過另外兩間夜店，即係Billion同Beijing又點呢？前者就人少少，後者就因為強國旅遊書有宣傳而勁多強國客。
以理性分析，強國人酒或者會買，但開枱就未必。再者，唔少會落蘭桂坊嘅人，身邊總會識人帶你免費入場，所以三間中，似乎得Magnum撐得住。
Fifi
本欄逢周二、四刊出
相戀54年！倪匡向全世界說：「到現在這麼多年，還是這麼深愛太太！」
你都想分享一點甜蜜？立即重溫今周《亂噏24》！
http://bit.ly/appletalk24