香港租金之貴，全球數一數二，八方記得人稱「富貴黨」嘅自由黨以前總部喺中環都爹利街、但08年捱唔住貴租，終於搬到九龍灣。自由黨近年銳意發展港島「業務」，喺市區冇個竇口，確係唔方便，所以最近喺灣仔以2.7萬月租，租咗個約500呎單位做辦事處，聽講係黨友格勻全區先搵到咁平租。
自由黨成員如馮家彬近期牽頭成立「幫港出聲」反佔中，黨魁田北俊話佢哋係以個人身份參與，黨主席周梁淑怡就猛話政府若果唔想佔中發生，應該盡早提政改諮詢搵共識啦。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange